اسلام آباد ۔ 27 فروری (این ٹی ایس رپورٹ)دفاع پاکستان کونسل نے بھارتی جارحیت کی شدید الفاظ میں مذمت اور پاک فوج کے منہ توڑ جواب کو خراج تحسین پیش کیا ہے۔ دفاع پاکستان کونسل کا اجلاس مدرسہ رحمانیہ اسلام آباد میں کونسل کے چیئرمین مولانا حامد الحق حقانی کی صدارت میں ہوا جس میں اہل سنت و الجماعت کے سربراہ مولانا محمد احمد لدھیانوی، جماعت اسلامی کے مرکزی نائب امیر میاں محمد اسلم، انصار امہ کے سربراہ مولانا فضل الرحمن خلیل، تحریک نوجوانان کے سربراہ عبداللہ گل، جمعیت علماءپاکستان (نورانی) کے مولانا پیر سعید احمد، جمعیت علماءاسلام کے مولانا سید محمد یوسف شاہ، مولانا عبدالخالق، مسلم کانفرنس کے سردار محمد صغیر خان، تحریک اتحاد پاکستان کے مولانا سید چراغ الدین شاہ، پاکستان راہ حق پارٹی کے شیخ محمد اقبال، متحدہ جمعیت اہلحدیث کے سید آصف بخاری، قبائل کے امیر مولانا عبدالحئی ،مولانا عبدالرحمن معاویہ، مولانا اسد اللہ خان، مولانا قاری امین الحسنات، مولانا ولی شاہ اور دیگر نے شرکت کی۔ اجلاس میں یہ فیصلہ کیا گیا کہ بھارت کی حالیہ جارحیت کے خلاف دفاع پاکستان کونسل یکم مارچ کو پورے ملک میں احتجاجی مظاہرے کرے گی۔ کونسل کے سربراہ مولانا حامد الحق حقانی نے پاکستان کے تمام مکاتب فکر سے تعلق رکھنے والے علماءخطیبوں سے اپیل کی کہ وہ خطبات جمعہ میں بھارتی جارحیت کے خلاف اور پاک فوج کے ساتھ اظہار یک جہتی کےلئے ریلیاں نکالیں۔ اجلاس میں بھارتی طیاروں کی دراندازی کو بھارت کے وزیراعظم نریندر مودی کی بوکھلاہٹ قرا ردیا اور کہا کہ مودی انتخابات جیتنے کےلئے پورے خطہ کے امن کو داو ¿ پر لگا رہا ہے، بھارتی عوام کو چاہئے کہ وہ مودی کو لگام ڈالیں۔ کونسل کے قائدین نے کہا کہ اگر بھارت نے زمینی حملہ کیا تو پوری قوم اور دفاع پاکستان کے قائدین پاک فوج کے ساتھ شانہ بشانہ لڑیں گے۔ انہوں نے کہا کہ پاکستان میں لاکھوں لوگ جذبہ ایمانی اور جذبہ جہاد سے سرشار ہیں۔ اجلاس میں وزیراعظم پاکستان سے اپیل کی گئی کہ وہ فی الفور پارلیمنٹ کے اندر اور باہر تمام جماعتوں کو آل پارٹیز بلا کر تمام قومی رہنماو ¿ں کو اعتماد میں لیں اور بھارت کو پیغام دیں کہ پاکستان کے دفاع کیلئے ہم سب ایک ہیں۔ اجلاس میں پاکستان میں لاکھوں افغان مہاجرین کا شکریہ ادا کیا جنہوں نے کسی بھی بھارتی جارحیت کی صورت میں پاکستان کے شانہ بشانہ کھڑے ہونے کا اعلان کیا ہے۔ اجلاس میں کشمیری مجاہدین کی جدوجہد اور قربانیوں کو خراج تحسین پیش کیا گیا۔
0 comments:
Post a Comment