لاہور (رپورٹ این ٹی ایس) چیف جسٹس آف پاکستان مسٹر جسٹس آصف سعید کھوسہ کی سربراہی میں دو رکنی بنچ نے تہرے قتل کے ملزم کی ضمانت منظور کر لی۔ دبئی میں ملازمت کے دوران پاکستان میں تہرے قتل کا مقدمہ درج کیا گیا۔ ملزم کے وکیل نے عدالت کو بتایا کہ پولیس کو بیرون ملک ہونے کے تمام ثبوت دیئے مگر پاکستان واپس آنے پر گرفتار کر لیا گیا۔ مدعی کے وکیل کا موقف تھا کہ گواہان کی شہادتیں ریکارڈ ہو چکی ہیں ضمانت منظور نہ کی جائے۔ فاضل چیف جسٹس نے ریمارکس دیئے کہ ہمارا مسئلہ ہے ہم قانون نہیں پڑھتے۔قانون کے مطابق فیصلہ سے ایک روز پہلے بھی عدالت درست سمجھے تو ضمانت لے سکتی ہے۔ کسی بے گناہ کو ایک دن بھی جیل میں نہیں رہنا چاہیے۔
0 comments:
Post a Comment