سپریم کورٹ لاہور رجسٹری میں بیٹی کا خرچہ نہ دینے پر والد کیخلاف کیس کی سماعت

 آئندہ سماعت پر لڑکی فریحہ ملک کو پیش کرنے کا حکم

لاہور (رپورٹ این ٹی ایس) جسٹس عمر عطا بندیال اور جسٹس اعجاز الاحسن پر مشتمل دو رکنی بنچ نے سپریم کورٹ لاہور رجسٹری میں بیٹی کا خرچہ نہ دینے پر والد کے خلاف کیس کی سماعت کی۔ عدالت نے ریمارکس دیئے کہ آپ نے ابھی تک بیٹی کو عدالت میں پیش کیا نہ والد سے ملاقات کروائی۔ والدہ صبیجہ ملک نے بتایا کہ بیٹی بیرون ملک پڑھ رہی ہے اس لیے پیش نہیں ہوئی۔ خاوند عدالتی حکم کے باجود بیٹی کا خرچہ نہیں دے رہا۔ عدالت نے استفسار کیا کہ اگر آپ کے وسائل محدود ہیں تو بچی کو باہر کیسے پڑھ رہی ہے ۔ عدالت نے ریمارکس دیئے کہ بچے جب پائوں پر کھڑے ہو جائیں تو انہیں والدین کا سہارا بننا چاہیے۔ اس میں شک نہیں کہ بچوں کی کفالت والد کی ذمہ داری ہے مگر یہ ایک حد تک ہے۔ 26 سالہ بچی کو تو اپنے 64 سالہ باپ کا سہارا بننا چاہیے۔عدالت نے آئندہ سماعت پر لڑکی فریحہ ملک کو پیش کرنے کا حکم دے دیا۔