بھارتی فوجیوں کے حوصلے پست ہیں جنگ لڑنے کے اہل نہیں، بھارتی انٹیلی جنس کی رپورٹ

 بھارتی افواج میں جنگ سے بھاگنے کی پانچ وجوہات بتائی گئی ہیں جن میں راشن اور سہولیات کی کمی ہے بھارتی فوجی تنگ آکر خودکشیاںکرنے میں مصروف 

 اسلام آباد(این ٹی ایس رپورٹ)بھارت کی ملٹری انٹیلی جنس نے حکومت کو اپنی رپورٹ ارسال کرتے ہوئے کہا ہے کہ بھارتی فوج کا مورال جنگ لڑنے والا نہیں ہے جبکہ بھارتی افواج میں دن بدن جوش اور ولولہ ختم ہوتا جارہا ہے۔ بھارتی افواج کے نوجوانوں میں اس حد تک بددلی پھیلی ہوئی ہے وہ خود کشیاں کرنے کو ترجیح دے رہے ہیں۔ مودی حکومت نے بھارتی فوج کے ملٹری انٹیلی جنس کو بھارتی افواج کا مورال جاننے کیلئے ریسرچ کرنے کا ٹاسک دیا تھا۔ بھارتی ملٹری انٹیلی جنس نے گزشتہ پانچ سالوں میں یہ ریسرچ مکمل کرکے رپورٹ حکومت کوارسال کردی ہے۔ یہ رپورٹ بریگیڈیئر کرم ملہو تزا کے دستخطوں سے متعلقہ حکام کو بھیجی گئی ہے۔ رپورٹ میں حکومت کو بتایا گیا ہے کہ بھارتی کی تینوں افواج میں جنگ لڑنے کا جذبہ انتہائی کم ہے جس کی پانچ وجوہات بیان کی گئی ہیں ۔ جنگ سے بھاگنے کی پہلی وجہ بھارتی افواج میں سہولتوں کا فقدان اور راشن کی کم قرار دیا گیا ہے۔ بھارتی افواج میں ہم جنس پرستی کا رجحان عام ہے ۔ رپورٹ میں انکشاف ہوا ہے کہ بھارتی افواج کے افسران میں 532جبکہ بھارتی جوجیوں میں 2267ہم جنس پرستی کے واقعات رونما ہوچکے ہیں ۔جنگ میں ہلاک ہونے والے بھارتی فوجیوں کے ورثا کو بے یار و مدد گار چھوڑ دیا جاتا ہے ۔ بھارت کی افواج میں مذہب اور ذات پات کی بنیاد پر امتیازی سلوک روا رکھا جاتا ہے۔ جبکہ افسران کی طرف سے فوجیوں کو سخت سزائیں دینابھی بزدلی کی اہم وجہ ہے ۔ ان وجوہات کی بنیاد پر بھارت کی فوج میں خود کشیوں کا رجحان عام ہے اور ہر سال 100سے زائد فوجی خود کشی کررہے ہیں۔