میاں نوازشریف کے وکیل خواجہ حارث نے سزا معطلی کی پہلی درخواست واپسی کیلئے استدعا کردی
اسلام آباد(این ٹی ایس رپورٹ)العزیزیہ سٹیل ملز ریفرنس میں طبی بنیادوں پر ضمانت پر رہائی کی درخواست پر سماعت 12فروری تک ملتوی،کیس سماعت جسٹس عامر فاروق اور جسٹس محسن اختر کیانی پر مشتمل بنچ نے کی۔عدالت نے پنجاب حکومت کو نوٹسز جاری کردیا کہ وہ عدالت کو بتائیں کہ کن بنیادوں پر میڈیکل بورڈ تشکیل دیاگیا،میاں نوازشریف کے وکیل خواجہ حارث نے سزا معطلی کی پہلی درخواست واپسی کیلئے استدعا کردی۔تفصیلات کے مطابق العزیزیہ ریفرنس میں نیب کورٹ کی جانب سے میاں نوازشریف کو دی گئی سزا کے خلاف میاں نوازشریف کے وکلاء نے طبی بنیادوں پر ضمانت پر رہائی کی رٹ پٹیشن دائر کی گئی تھی،گزشتہ سماعت پر عدالت نے وکلاء سے میڈیکل رپورٹ طلب کی تھی،جیل حکام کی جانب سے نوازشریف کی میڈیکل رپورٹ عدالت میں پیش کی گئی،جسٹس عامر فاروق نے ریمارکس دئیے کہ جیل سپرنٹنڈنٹ کو ہی میڈیکل رپورٹ جمع کروانے کا کہا تھا۔جسٹس عامر فاروق کا جیل حکام سے کہا کہ میڈیکل رپورٹ چینل کے ذریعے جمع کروائیں،رجسٹرار کے پاس جائیں اور اس پر مہریں لگوائیں ، یہ کوئی طریقہ نہیں کہ عدالت میں آکر میڈیکل رپورٹس جمع کروائیں۔جسٹس عامر فاروق نے ریمارکس دئیے کہ سزا معطلی کے خلاف آپ کی ایک اور درخواست دائر ہے اس کو بھی اس کے ساتھ دیکھ لیں گے، اس پر خواجہ حارث نے عدالت سے استدعا کی کہ ہم پہلی والی درخواست واپس لینا چاہتے ہیں،اس کی پیروی نہیں کریں گے،عدالت سے استدعا کرتے ہیں کہ آئندہ سماعت18فروری کی بجائے پیر کو رکھ لیں۔جسٹس عامر فاروق نے ریمارکس دئیے کہ ہم نے پنجات حکومت اور نیب کو نوٹسز جاری کردئیے ہیں،ان کو بھی سننا ضروری ہے۔کیس کی سماعت12فروری بروز منگل تک ملتوی کردی گئی۔
0 comments:
Post a Comment