فیصلہ اجلاس میں بد نظمی سے بچنے کیلئے کیا گیا،اسد قیصر نے حکومت اور اپوزیشن کو اعتماد میں لیا
اسلام آباد( رپورٹ این ٹی ایس)سپیکر قومی اسمبلی اسد قیصر نے وزیر ریلوے شیخ رشید اور ن لیگی رہنما سعد رفیق کو پبلک اکائونٹس کمیٹی میں شامل نہ کرنے کا فیصلہ کر لیا ہے۔میڈیا رپورٹ کے مطابق سپیکر قومی اسمبلی اسد قیصر نے شیخ رشید اور سعد رفیق کو کمیٹی میں نہ شامل کرنے کا فیصلہ کیا ہے تاکہ پبلک اکائو نٹس کمیٹی میں بدنظمی پیدا نہ ہو۔سپیکر نے اس حوالے سے اپوزیشن اور حکومت سے بھی بات چیت مکمل کر لی ہے۔ یاد رہے کہ شیخ رشید نے شہبازشریف کو چیئرمین پبلک اکائو نٹس کمیٹی بنانے پر شدید احتجاج کیا تھا تاہم بعدازاں انہوں نے حکومت کو پی ا ے سی کمیٹی کا رکن نامزد کرنے کیلئے درخواست کی تھی جس پر پی ٹی آئی کی جانب سے شیخ رشید کو پبلک اکائونٹس کمیٹی میں رکنیت کیلئے نامزد کیا تھا۔
0 comments:
Post a Comment