بھارت غلط فہمی میں نہ رہے ہم آخری دم تک لڑیں گے،عمران خان کا مودی کو انتباہ

تھر پارکر(این ٹی ایس رپورٹ)وزیراعظم عمران خان نے بھارتی وزیراعظم نریندری مودی کو خبردار کرتے ہوئے کہا ہے کہ اگر کوئی یہ سمجھتا ہے کہ الیکشن جیتنے کے لیے پاکستانیوں کا خون کریں گے، ہمیں غلام بنا لیں گے تو کسی غلط فہمی میں نہ رہے ہم آخری دم تک لڑیں گے، تین سالوں میں تھرپارکر میں 1300بچے بھوک کی وجہ سے مر ے ، آج ایک لاکھ 12ہزار خاندانوں میں صحت کارڈ تقسیم کررہے ہیں۔ جو کہ فی خاندان 7لاکھ 20ہزار کی رقم سے جہاں چاہے علاج کروائے، دو موبائل ہسپتال کے ساتھ 40ایمبولینس بھی تھرپارکر میں دے رہے ہیں۔ پانی کیلئے 100پلانٹ فوری لگارہے ہیں اور یہاں پر کالا سونا کوئلہ پورے پاکستان کی تقدیر بدل دے گا۔ یہاں پر ہندو بھی کثیر تعداد میں ہیں وہ بھی برابرکے شہری ہیں۔ ، بعض اوقات یوٹرن کافی مشکلات سے بچا لیتا ہے، ہمارے نبی کریمﷺرحمت العالمین ہیں نہ کہ رحمت المسلمین اور ہمارا خدا رب العالمین ہے۔ ہمار ا ہیر و ٹیپو سلطان ہے جس نے غلامی سے موت کو ترجیح دی ۔ ہم نے پاکستان کو غربت سے نکالنا ہے،سندھ کا لیڈر اپنا نام تبدیل کرکے لیڈر بنا وہ زرداری سے بھٹو بن گیا ، لیڈر کاغذ کی پرچی سے نہیں نظریہ سے بنتے ہیں۔ بلاول بھٹو زرداری نے اسمبلی میں انگریزی میں تقریر کی یہاں کے لوگوں کو انگریزی آتی ہی نہیں، اسمبلی میں بیٹھے ارکان کو انگریزی نہیں آتی، اسمبلی میں غلط طرف منہ کرکے نماز پڑھتے رہے، جنرل پرویز مشرف نے امریکہ کے حکم پر آپ کے والد زرداری کو این آر او دیا ، سرے محل کا آپ نے اسمبلی کہا تھا کہ ہمارا نہیں ہے پھر اسکے پیسے ہضم کرگئے۔ وزیراعظم نے چھاچھر اور تھرپارکر میں انصاف صحت کارڈ تقسیم تقریب سے خطاب کرتے ہوئے کہا کہ الیکشن کے بعد میرا یہ پہلا جلسہ ہے اور تھرپار کر سارے پاکستان میں بہت زیادہ پسماندہ ہے اور یہ سارے پاکستان میں سب سے پیچھے ہے۔ یہاں پر 75فیصدلوگ غربت کی لکیر سے نیچے زندگی گزار رہے ہیں۔ پچھلے تین سال سے 1300بچے خوراک اور بھرک کی وجہ سے مرگئے ہیں۔ میرا اقتدارمیں آنے کا مقصد پاکستان میں لوگوں کو غربت سے نکالنا ہے اور تھرپارکر میں سب سے زیادہ غربت ہے۔ 18ویں ترمیم کے بعد تمام تر اختیارات صوبوں کو دئیے گئے ہیں۔ آج ہم تھرپارکر میں ایک لاکھ 12ہزار گھرانوں میں صحت کارڈ تقسیم کررہے ہیں۔ جس میں 7لاکھ 20 ہزار کی رقم ہر گھرانے کیلئے ہوگی کہ وہ جہاں سے چاہیں اپنے علاج کروائیں۔تھرپارکروالوں کو دو موبائل ہسپتال دے رہا ہوں جس میں تمام تر سہولیات ہونگی اور وہ تھرپار کر میں ہر جگہ پہنچیں گے ۔ اس کے ساتھ ایمرجنسی کیلئے 4ایمبولینس بھی دی جارہی ہیں۔ تھرپارکروالوں کے پاس کالا سونا ہے ۔ اس کوئلہ سے تھرپارکر سندھ اور پاکستان کی حالت بدل جائیگی ۔ جس علاقے سے جو معدنیات تیل ، سونا ، چاندی ، تانبا ہے وہاں کے لوگوں میں تقسیم ہوگا۔ اور وہان مقامی لوگوں کا پہلے حق ہے۔ ہم نے پسماندہ علاقوں کو اتھانا ہے ۔ یہاں پر پینے کے پانی کا مسئلہ ہے ایک سو آر او پلانٹس بھی لگائیں گے۔ اس علاقے میں دھوپ ہے تو وہاں سولر سسٹم کے ذریعے بجلی دی جائیگی۔ جو کہ بہتے سستی ہے ، وفاقی حکومت آپ کیلئے جو کرسکتی ہے کریگی ۔ میرا دوسرا مقصد یہاؔ ں پر آنے کا یہ تھا کہ یہاں کی آبادی ہندو ہے ہندوستان میں اقلیتوں کو مشکلات کا سامنا ہے ان پر تشدد ہوتا ہے پاکستان میں ہم اقلیتوں کے ساتھ ہیں ان پر کوئی ظلم نہیں ہوگا۔ قائد اعظم محمد علی جناح ہندو مسلم اتحاد کے حامی تھے آج ہندوستان میں ہندو کہہ رہے ہیں جو قائد اعظم کہتے تھے وہ ٹھیک کہتے تھے۔ پاکستان میں اقلیت برابر کے شہری ہیں اور ان پر کسی قسم کا ظلم نہیں ہوگا۔انہوں نے کہا کہ کراچی میں ایک آدمی نے اقتدار کی خاطر ظلمتیں پھیلائیں اگر کراچی میں نفرتوں کی سیاست نہ ہوتی تو آج کراچی دوبئی ہوتا اور کاروباری لوگ چھوڑ کر دوسرے ملکوں میں نہ جاتے۔ پاکستان میں کوئی پشتو کوئی بلوچی اور کوئی پنجابی کے نام پر ملک تقسیم کررہاہے۔ جب جیل جاتے ہیں تو سندھ کارڈ استعمال کرلیتے ہیں۔ سب مسلمانوں کیلئے ماہتما گاندھی نے کئی دفعہ پھو ک ہرتال کی اور کھانا نہیں کھایا کہ مسلمانوں پر ظلم نہ کریں۔ ہمارے نبی ﷺ رحمتہ العالمین ہیں اور ہمارا رب رب العالمین ہے۔ ہم امن چاہتے ہیں جنگ نہیں چاہتے ۔ میں نے مودی سے کہا کہ برصغیر میں سب سے زیادہ غربت ہے ملکر عوام کے لئے کچھ کریں۔ لیکن اسکے ارادے کچھ اور تھے ۔ میں آزاد ملک میں پیدا ہوا ہوں اورمیرے والدین ہندوستان میں غلامی میں پیدا ہوئے۔ ٹیپو سلطان ہمارا ہیرو ہے جس نے فیصلہ کیا کہ غلامی سے موت بہتر ہے اور تلوار سے آخری دم تک لڑے۔ ٹیپو سلطان ہمارا ہیرو ہے ، تمام سیاسی جماعتوں نے فیصلہ کیا ہے کہ مسلح گروپ پاکستان میں نہیں ہونگے اور نیشنل ایکشن پلان پر عمل کیا جائیگا۔ اور پاک سرزمین میں کسی قسم کی دہشت گردی کی اجازت نہیں ہوگی۔ ہم نے باہر سے سرمایہ کاری کروائی ہے تاکہ روزگار کے مواقع پیدا ہوں ۔ کراچی میں انقلابی تبدیلی آئی ہے اور اب اندرون سندھ تحریک انصاف ہرضلع میں جائے گی ۔ ہمیں پڑھے لکھے لوگ چاہیں جو پیسہ نہیں عوام کی خدمت کیلئے جذبہ سے کام کریں اور ہمارے ساتھ چلیں۔ دس سالوں میں سندھ میں 5315ارب خرچ ہوئے حالانکہ سندھ کا ترقیاتی فنڈ 15ارب تھا۔ سندھ کا لیڈر اپنا نام تبدیل کرکے لیڈر بنا وہ زرداری سے بھٹو بن گیا ، لیڈر کاغذ کی پرچی سے نہیں نظریہ سے بنتے ہیں۔ بلاول بھٹو زرداری نے اسمبلی میں انگریزی میں تقریر کی یہاں کے لوگوں کو انگریزی آتی ہی نہیں۔ اسمبلی میں بیٹھے ارکان وک انگریزی نہیں آتی ۔ اسمبلی میں غلط طرف منہ کرکے نماز پڑھتے رہے ۔ جنرل پرویز مشرف نے امریکہ کے حکم پر آپ کے والد زرداری کو این آر او دیا ۔ این آر او کے وقت چھ کروڑ ڈالر آپ کے سوئٹزرلینڈ اکاؤنٹ میں تھے وہ مل گئے۔ اور سرے محل کا آپ نے اسمبلی کہا تھا کہ ہمارا نہیں ہے پھر اسکے پیسے ہضم کرگئے۔ یوٹرن لیڈر کا کام ہوتاہے اگر آپ اس وقت کرپشن پر یوٹرن لیتے تو آج عدالتوں اور نیب کے چکر نہ کاٹتے ۔ یوٹرن کی دفعہ بڑی اچھی چیز ہوتی ہے اور کئی مشکلات سے نکال لیتی ہے۔ تھر کے لوگومیں آپکے پاس آتا رہوں گا سالانہ ساڑھے پانچ ہزارارب فیڈل گورنمنٹ ہوتے ہیں۔ جس میں سے دو ہزار ارب قرضوں کی قسطیں ادا کرنے میں نکل جاتے ہیں۔ اور 1700ارب سیکیورٹی کے معاملات پر خرچ ہوتے ہیں جیسے ہی ہمارا پیسہ بڑھے گا جو پسماندہ علاقے ہوں گے سب سے پہلے ان میں لگایا جائیگا۔ جیسے تھرپارکر ، راجن پور اور فاٹا کے علاقے ہیں ان پر پہلے پیسہ خرچ کریں گے۔