*ہماری اولاد نافرمان کیوں ہے .......؟؟؟*

بہت سے لوگ ایک بہت بڑا شکوہ لیے ہوئے پریشان ہیں، اپنی اولادوں کا شکوہ، کہ نافرمان ہیں، ہمارا کہنا نہیں مانتے ...
مہربانی فرما کر اس کا علاج تجویز کیا جائے، کوئی تعویذ دے دیا جائے، کوئی پانی دم کر دیا جائے یا کوئی ذکر بتا دیں ...........؟؟؟

کیا ایسا ممکن ہے کے تعویذ دے دینے سے، پانی دَم کر دینے سے یا ذکر بتا دینے سے اولاد فرماں بردار ہو جائے گی .....؟
کیا یہ ممکن ہے ......؟
کیا یہ اللہ کے سسٹم کا حصہ ہے .......؟

ہرگز نہیں ہے،  دھوکا دیا جا سکتا ہے اس طرح، علاج نہیں ہو سکتا کیونکہ اس کا علاج اُُس بندے کے اپنے پاس ہوتا ہے جو یہ ڈیمانڈ لے کر آتا ہے .......

پہلے نمبر پر وہ یہ دیکھے کہ میں نے اولاد کو پالا کس طرح ہے ........؟
تربیت کیسی دی ہے .........؟
موسیقی کی اجازت تو نہیں دی ...........؟
فلمیں اور گانے سننے، دیکھنے کی اولاد کو چھوٹ دی یا قرآن سیکھنے، سمجھنے پر بھی مجبور کیا ........؟
نماز نہ پڑھنے پر ڈانٹا یا نرمی کرتے رہے ........؟
اسکے دوستوں اور اسکی تنہائی پر نظر رکھی ........؟
کس دولت پر اس کو پروان چڑھایا ہے ..........؟
کیا اُس میں استحصال کا پیسہ ہے ............؟
کیا اُس میں حرام کا پیسہ ہے ..........؟
لوٹ مار کا پیسہ ہے ...........؟
رشوتوں کا پیسہ ہے ............؟
نمبر دو کاروبار کا پیسہ ہے .............؟

پہلے اِس کو کھوجیے گا، وہ اپنی آمدن کو تلاش کرے گا ........!!!
اگر وہ واقعی چاہتا ہے کہ اُسکی اولاد فرماں بردار ہو ..........

دوسری بات وہ یہ سوچے کہ اُس کا اپنا رویہ والدین سے کیا رہا ہے .........؟
اُس نے والدین سے کیسا سلوک اختیار کیا ........؟
کیا اُنکی فرماں برداری کرتا رہا یا بے ادبی کرتا رہا .......؟

تو میں اُن سے یہ کہتا ہوں کہ اگر آپکے  والدین زندہ ہیں تو آج سے اُنکی فرماں برداری شروع کر دیں اور اگر آپکے والدین گزر گئے ہیں تو اُنکے لیے مغفرت کی دعائیں کریں کثرت کے ساتھ .........!!!

آپکے گزرے ہوئے والدین کا آپ کا اُن کے پیچھے رہ جانے والوں سے اچھا سلوک اُنکی مغفرت کا باعث بنتا ہے۔ تو جو یہ چاہے کے میری اولاد فرماں بردار ہو جائے تو ایک تو اگر والدین زندہ ہیں تو اُنکی فرماں برداری ٹُوٹ کر کرے، اور اگر وہ دنیا سے گزر گئے ہیں تو اُنکے لئے اللہ سے بخشش اور مغفرت طلب کرے .......!

اور جو تیسری سب سے اہم بات ہے، جو میں دوستوں کو بطورِ فارمولا عرض کر رہا ہوں کہ جس خالق نے آپ کو  پیدا کیا ہے، آپ اُس کے کتنے فرماں بردار ہے ...........؟؟؟
اگر آپ یہ چاہتے ہیں کہ آپ کے بطن سے نکلے ہوئے بچے، جن کے آپ خالق نہیں ہیں، بلکہ ایک ذریعہ ہیں ایک Source ہیں، وہ آپ کے  فرماں بردار ہوں جائیں، تو جس نے آپ کو  پیدا کیا ہے وہ بھی چاہتا ہے کہ آپ  اُس کے فرمانبردار ہو جائیں، آپ  اپنی فرماں برداری پروردگار کے لیے بڑھا دیں تاکہ آپ کی  اولاد آپ کی فرماں بردار ہو جائے اور زندگی کا صحیح سکون اور راحت آپ کو نصیب ہو .........!!!

یہ بہت بڑا المیہ ہے ہمارا ......!
اس کے ہاتھوں بڑے بڑے صاحبِِ حیثیت لوگ بھی پریشان ہیں، لیکن اسکا فارمولا وہی ہے جو اوپر بتا دیا گیا ہے۔ نیازیں اور تعویذ اس کا فارمولا نہیں ہیں، اس میں مت پھنسیں کیونکہ آپکی اولاد کو صرف اللہ ہی فرماں بردار بنا سکتا ہے، کوئی اور کوئی نہیں بنا سکتا .......!!!

اللہ پاک مجھ سمیت ہم سب کو پہلے اپنے والدین کی خدمت کرنے کی بھرپور توفیق عطا فرمائے اور پھر ہم سب کو نیک اور فرمانبردار اولاد نصیب عطا فرمائے ...
آمین ثم آمین ..... 

طالب_دعا