نیشنل جونیئر والی بال چیمپئن شپ ،

پاکستان آرمی اور واپڈا نے فائنل کیلئے کوالیفائی کرلیا
پشاور(سپورٹس رپورٹر)پشاور میں جاری چیف منسٹر جونیئر نیشنل جونیئر والی بال چیمپئن شپ میںپاکستان آرمی اور واپڈا کی ٹیموں نے فائنل کیلئے کوالیفائی کرلیا ، فائنل آج کھیلا جائے گا۔پہلے سیمی فائنل میں پاکستان آرمی نے سنسنی خیز اور دلچسپ مقابلے کے بعد خیبرپختونخوا کو تین دو سے شکست دی جبکہ واپڈا نے پی او ایف کو تین صفر سے ہراکر فائنل تک رسائی حاصل کی ۔ اس موقع پر پاکستان اولمپک ایسوسی ایشن کے نائب صدر سید عاقل شاہ مہمان خصوصی تھے ان کے ہمراہ پاکستان والی بال فیڈریشن کے چیئرمین چوہدری محمد یعقوب‘ذوالفقار بٹ‘صوبائی سیکرٹری والی بال ایسوسی ایشن خالد وقار اور دیگر شخصیات بھی موجود تھیں ‘گزشتہ روز ہونیوالے پہلے سیمی فائنل میچ میں آرمی نے خیبر پختونخوا کو دلچسپ اور سنسنی خیز مقابلے کے بعد تین دو سے ہرایا ، پہلے سیٹ میں خیبرپختونخوا نے آرمی کو پچیس 19 ، دوسرے اور تیسرے سیٹ میں آرمی نے 25-23,25-18 ، چوتھے سیٹ میں خیبرپختونخوا نے 26-24 سے کامیابی حاصل کرکے مقابلہ دو دو سے برابر کیا جس کے بعد فائنل سیٹ میں آرمی نے پندرہ نو سے فتح حاصل کرکے مقابلہ تین دو سے اپنے نام کیا۔ دوسرا سیمی فائنل پاکستان واپڈا نے پی او ایف کو تین صفر سے شکست دی سکورپچیس پندرہ ‘پچیس سولہ اور پچیس انیس رہا ‘پول اے میں واپڈا اور خیبر پختونخواجبکہ پول بی سے آرمی اور پی او ایف کی ٹیمیں سرفہرست رہے ‘اس سے قبل ہونیوالے لیگ راﺅنڈکے آخری مرحلے کے میچوں میں آرمی نے پی او ایف کو ایک کے مقابلے میں تین ‘پی او ایف نے پنجاب کو صفر کے مقابلے میں تین ‘واپڈا نے پاکستان بورڈز کو صفر کے مقابلے میں تین ‘خیبر پختونخوا نے فاٹا کو صفر کے مقابلے میں تین ‘پنجاب نے آزاد کشمیر کو صفر کے مقابلے میں تین جبکہ واپڈا نے بلوچستان کو صفر کے مقابلے میں تین گیمز سے شکست دی تھی۔فائنل آج منعقد ہوگا جس کے لئے تیاریاں مکمل کی جا رہی ہیں۔