نواز شریف کی طبی بنیادوں پر ضمانت کی درخواست پر سماعت

اسلام آباد ہائی کورٹ نے میڈیکل رپورٹس طلب کرلیں،وفاق ،نیب اورجیل سپرنٹنڈنٹ کو نوٹس جاری 

کیا جیل میں نواز شریف کا میڈیکل چیک اپ نہیں ہورہا ؟جسٹس عامر فاروق کا استفسار

اسلام آباد( آن لائن ) اسلام آباد ہائی کورٹ نے سابق وزیراعظم نواز شریف کی میڈیکل بنیادوں پر ضمانت پر رہائی کیلئے وفاق ، چیئرمین نیب ، احتساب عدالت اور سپرنٹنڈنٹ کوٹ لکھپت جیل کو نوٹس جاری کردیئے ۔ پیر کے روز نواز شریف کی طبی بنیادوں پر درخواست ضمانت پر رہائی کی درخواست کی سماعت جسٹس عامر فاروق اور جسٹس محسن اختر کیانی نے کی ۔ لیگی رہنما مریم اورنگزیب ،راجہ ظفر الحق اور عرفان صدیقی عدالت میں پیش ہوئے۔ نواز شریف کے وکیل خواجہ حارث نے دلائل دیتے ہوئے عدالت سے استدعا کی کہ سزا کے خلاف زیر سماعت اپیل کے فیصلے تک احتساب عدالت کا فیصلہ معطل کیاجائے العززیہ سٹیل ملز ریفرنس میں سزامعطل کرکے ضمانت پر رہا کیاجائے میڈیکل بورڈ کی سترہ جنوری کی رپورٹ بھی سابق وزیراعظم نواز شریف کے قانونی مشیر نے عدالت میں پیش کی فاضل جج عامر فاروق نے استفسار کیا کیا جیل میں نواز شریف کو میڈیکل چیک اپ نہیں ہورہا نواز شریف کی میڈیکل گراؤنڈ پر پٹیشن الگ سے سنیں خواجہ حارث نے عدالت سے استدعا کی کہ میڈیکل بورڈ بنا ہوا ہے عدالت رپورٹ طلب کرے فاضل جج نے ایک بار پھر استفسار کیا آپ کے پاس رپورٹ کی کاپی موجود نہیں ہے خواجہ حارث نے عدالت میں موقف اختیار کیا کہ انہیں رپورٹ کی کاپی دیر سے فراہم کی جاتی ہے بعد ازاں خواجہ حارث نے میڈیکل بورڈ کی رپورٹ پڑھ کر سنائی میڈیکل بورڈ کی رپورٹ کے مطابق نواز شریف عارضہ قلب اور گردے میں تیسرے درجے کی بیماری کا شکار ہیں نواز شریف کے وکیل نے عدالت کو بتایا کہ نواز شریف کو دیگر مرض بھی لاحق ہیں عدالت نے استفسار کیا نواز شریف کی تین میڈیکل رپورٹ ہیں خواجہ حارث نے عدالت کو بتایا کہ میڈیکل چیک اپ کے لئے میڈیکل بورڈ پچیس جنوری کو تشکیل دیا گیا عدالت نے استفسار کیا جیل سپرنٹنڈنٹ کے پاس میڈیکل رپورٹس جاتی ہیں خواجہ حارث نے ہاں میں جواب دیتے ہوئے عدالت کو بتایا جیل حکام کو رپورٹس فراہم کی جاتی ہیں کچھ ٹیسٹ کی رپورٹس انہیں فراہم نہیں کی گئیں نواز شریف کی فیملی کو بھی ان کی صحت کے حوالے سے خدشات ہیں خواجہ حارث نے عدالت سے استدعا کی میڈیکل بورڈ نے گردہ اور دل کے عارضے کے باعث نوازشریف کو ہسپتال منتقل کرنے کی تجویز دی ہے عدالت نیب کو نوٹس جاری کردیئے اور سپیشل بورڈ کی رپورٹ منگوا کر دیکھ لیں یہ درخواست پہلی سزا معطلی درخواست میں ایڈیشن ہے اس میں طبی بنیادوں پر سزا معطل مانگی گئی ہے جس کے بعد عدالت نے نواز شریف کی درخواست پر فریقین کو نوٹس جاری کرنے کا حکم دیتے ہوئے مزید سماعت چھ فروری تک ملتوی کردی۔